Davvisámegiel Biibbal 2019 (Biibbal)
21

David logaha álbmoga

211

21,1
2 Sam 24,1–9
21,1 Sáhtán Hebreagiela mielde “vuostálasti”, “sivahalli”. Vrd. Job 1,6eč; Sak 3,1č. Dás ▶ Sáhtán adnojuvvo bahás fápmun mii čádjidahttá olbmuid suddui.Sáhtán čuožžilii Israela vuostá ja bođđii Davida lohkat israellaččaid. 2David gohčui Joaba ja soahteveaga oaivámuččaid: “Lohket israellaččaid Beer Šeba rájes gitta Dana rádjái. Almmuhehket munnje dasto sin logu.” 3Joab vástidii: “Vare Hearrá divttášii álbmogis lassánit čuođigeardásaččat! Eaigo sii buohkat leat du bálvaleaddjit, mu hearrá ja gonagas? Manne don de gáibidat dán, mu hearrá? Manne dahkat Israela sivalažžan?”

4Muhto gonagasa mearrádus geatnegahtii Joaba, ja son vulggii mátkái ja vádjolii miehtá Israela. De son máhcai Jerusalemii 5ja almmuhii gonagassii olmmošlohkama bohtosa: Israelis ledje miljovdna čuohteduhát hárjánan soahteolbmá ja Judasgis njeallječuođičiežalogiduháha. 6Joab ii goit lean lohkan Levi ja Benjamina čearddaid ovttas earáiguin, danin go son fasttášii gonagasa gohččuma. 7

21,7
2 Sam 24,10–17
Ipmil anii dán ášši bahán, ja son mearridii ráŋggáštit Israela. 8David dajai Ipmilii: “Mun suddudin stuorrát go dahken dán. Atte bálvaleaddjásat ándagassii! Mun lean jallošan sakka.” 9Hearrá sártnui Gadii, Davida oaidnái: 10“Mana dadjat Davidii: Ná cealká Hearrá: ‘Mun attán dutnje golbma molssaeavttu; vállje dain ovtta, de mun divttán dan čuohcit dutnje.’” 11Gad manai Davida lusa ja dajai: “Ná cealká Hearrá: Vállje dál: 12
21,12
2 Mos 12,1323
Bohtetgo golbma nealgejagi? Vai báhtarattatgo golbma mánu vašálaččainat itge vealtta sin miehkis? Vai luoittátgo Hearrá miehki, rohttudávdda, boahtit eatnamii golmma beaivái, nu ahte Hearrá eŋgel duššada miehtá Israela? Jurddaš dál ja daja maid mun vástidan sutnje gii vuolggahii mu.” 13
21,13
Váid 3,22
David dajai Gadii: “Mun lean stuorra heađis. Divtte mu gahččat Hearrá gihtii, dasgo su váibmoláđisvuohta lea stuoris. Olbmuid gihtii mun in dáhto gahččat.”

14De Hearrá divttii rohttudávdda boahtit Israelii, ja álbmogis jápme čiežalogiduhát olbmo. 1521,15 Ornan nubbi namma lea Aravna; gč. 2 Sam 24,16.De Ipmil vuolggahii eŋgela duššadit Jerusalema. Muhto go Hearrá oinnii eŋgela goddimin olbmuid, de son gáđai dán bahá ja celkkii duššadeaddji eŋgelii: “De lea galle! Rohtte gieđa ruoktot!” Hearrá eŋgel lei dalle čuožžumin jebuslaš Ornana gordneráidnensaji guoras. 1621,16 horstabiktasat roavva tekstiila mii lea duddjojuvvon guolggas, morraša dahje gáhtamuša mearka. ▶ moraštanvierut.Go David geahčastii, de son oinnii Hearrá eŋgela čuožžumin eatnama ja almmi gaskkas gieđas rohttejuvvon miehkki, mii lei geigejuvvon Jerusalema guvlui. Dalle David ja vuorrasat, horstabiktasat gárvun, bálkestahtte muđolassii eatnamii. 17David dajai Ipmilii: “Mun gohččon lohkat álbmoga. Munhan lean suddudan, mun lean dahkan boastut. Muhto dát mu sávzzat, maid dat leat dahkan? Hearrá, mu Ipmil, divtte iežat gieđa čuohcit munnje ja mu bearrašii, muhto bisset dán givssi čuohcimis iežat álbmogii!”

David hukse áltára Ornana gordneráidnensadjái

18

21,18
2 Sam 24,18–25
Hearrá eŋgel gohčui Gada bivdit Davida mannat hukset Hearrái áltára jebuslaš Ornana gordneráidnensadjái. 19David vulggii, nugo Gad lei gohččon su Hearrá nammii. 20Ornan lei njeljiin bártniinis ráidnemin nisuid. Go son jorggihii, de son oinnii eŋgela, ja su bártnit čiehkádedje. 21De Ornan áiccai Davida gii lei boahtimin su lusa. Ornan vulggii gordneráidnensajis ja luoitádii eatnamii Davida ovdii. 22David dajai sutnje: “Atte munnje gordneráidnensaji, vuovdde dan munnje olles haddái. Mun huksen dasa áltára Hearrái, vai giksi gáiddašii álbmogis.” 23Ornan dajai: “Váldde dan, mu hearrá ja gonagas, ja daga maid anát buorrin. Dá leat vuovssát boaldinoaffarin, gordneluvvenreagat boaldámuššan ja nisut borramušoaffarin. Buot dáid mun attán.” 24Muhto gonagas David dajai: “Ii nu, mun oasttán daid olles haddái. Mun in dáhto addit Hearrái dan mii lea du, inge oaffaruššat boaldinoaffara maid lean ožžon nuvttá.” 2521,25 guhttačuođi gollešekela sullii 68 kilo.David mávssii eatnamis Ornanii guhttačuođi gollešekela, 26
21,26
3 Mos 9,24+
huksii dasa áltára Hearrái ja oaffarušai boaldinoaffariid ja searvevuođaoaffariid. Go son rohkadalai Hearrá, de Hearrá vástidii dolain mii bođii almmis boaldinoaffaráltárii. 27Ja Hearrá gohčui eŋgela nahkehit miehki dohppii. 28Go David oinnii ahte Hearrá lei gullan su rohkosa jebuslaš Ornana gordneráidnensajis, de son oaffaruššagođii das. 29Hearrá goahti maid Moses lei dahkan meahcis, ja boaldinoaffaráltár ledje dan áiggi Gibeona oaffarbáikkis. 30Muhto David ii arvan mannat dohko jearrat Ipmilis, dainna go son lei ballán nu sakka Hearrá eŋgela miehkis.

22

221David dajai: “Dát lea Hearrá Ipmila viesu sadji, dás lea Israela boaldinoaffaráltár.”

Tempelhuksema ovdabarggut

2

22,2
2 Muit 2,17
David gohčui čoahkkái vierrásiid geat ásse Israelis, ja bijai sin geađgečuollin, laigut ja čuollat geđggiid Ipmila tempela várás. 3Son hágai maid ollu ruovddi mas duddjojuvvojedje poartauvssaid návllit ja fárffut, ja nu ollu veaikki ahte dat ii lean vihkkemis. 4Sedermuora son skáhppui mearehis ollu; sidonlaččat ja tyroslaččat doaimmahedje dan sutnje hui eatnat. 5
22,5
29,1
David oainnat jurddašii: “Mu bárdni Salomo lea nuorra ja hárjánmeahttun, ja viessu mii huksejuvvo Hearrái ferte leat nu goargat ahte dat beaggá buot eatnamiidda. Danin mun ráhkkanahtán dan huksema bárdnán beales.” Nu David ráhkkanahtii huksema hui ollu jápmimis ovdal.

6David rávkkai lusas bártnis Salomo ja gohčui su hukset tempela Hearrái, Israela Ipmilii. 7

22,7
17,1–15+
David sártnui bárdnásis Salomoi ná: “Bártnážan, mun livččen ieš dáhtton hukset viesu Hearrá, Ipmilan, nammii. 8Muhto munnje bođii Hearrá sátni: ‘Don leat golggahan ollu vara ja soahtan stuorra sođiid. Don it oaččo hukset viesu mu nammii, danin go don leat golggahan ollu vara. 922,9 Salomo >2 Sam 12,24.Muhto dutnje riegáda bárdni gii šaddá ráfi olmmájin. Mun attán sutnje ráfi buot vašálaččain geat leat su birra. Su namman šaddá Salomo, ja su beivviid mun attán Israela leat ráfis ja mášus. 10
22,10
2 Sam 7,13–16
1 Muit 17,12–14
Son hukse viesu mu nammii, ja son lea mu bárdni, ja mun lean su áhčči. Mun nannen su gonagaslaš truvnnu Israelis agálaš áigái.’ 11Vare Hearrá livččii duinna, bártnážan! Vare dutnje menestuvašii hukset viesu Hearrái, Ipmilasat, nugo son lea cealkán du birra. 12
22,12
1 Gon 3,12
Vare Hearrá attášii dutnje jierpmi ja áddejumi go son bidjá du Israela ráđđejeaddjin, nu ahte don doalat Hearrá, Ipmilat, lága. 13
22,13
Jos 1,69
1 Gon 2,2
Don anát lihku, jos doalat dárkilit daid lágaid ja báhkkomiid maid Hearrá gohčui Mosesa addit Israelii. Leage roahkkat ja gievra, ale bala alege arvvuhuva! 1422,14 čuođiduhát taleantta, miljovdna taleantta sullii 3 420 000 kilo ja 34,2 miljovdna kilo.Mun lean ollu váivviin háhkan Hearrá vissui čuođiduhát taleantta golli ja miljovdna taleantta silbba, ja dasa lassin nu ollu veaikki ja ruovddi ahte dat ii leat vihkkemis. Muoraid ja geđggiid lean maid háhkan, ja don sáhtát háhkát ieš velá eambbo. 15Dus leat valjis bargit: geađgečuollit, muvrrárat ja snihkkárat ja vel ollu dakkárat geat máhttet duddjot buotlágáš dujiid 16gollis ja silbbas, veaikkis ja ruovddis. Riema bargat! Vare Hearrá livččii duinna!”

17David gohčui buot Israela oaivámuččaid veahkehit bártnis Salomo. Son sártnui sidjiide ná: 18

22,18
23,25
“Hearrá, din Ipmil, lea dinguin. Sonhan lea addán didjiide ráfi juohke guovllus. Son lea addán munnje fámu ráđđet eatnama ovddeš ássiid, ja nu eanan lea šaddan Hearrá ja su álbmoga váldái. 19Ohcet dál Hearrá, Ipmileattet, oppa váimmus ja oppa sielus! Ripmet hukset Hearrá Ipmila bassibáikki, vai beassabehtet buktit Hearrá lihtuárkka ja ipmilbálvalusa bassi lihtiid vissui mii huksejuvvo Hearrá nama várás.”

23

Levilaččaid juhkosat

231

23,1
1 Gon 1,33–40
Go David lei boarásmuvvan ja beivviin gallánan, de son dagai bártnis Salomo Israela gonagassan. 2Son čohkkii buot Israela oaivámuččaid, báhpaid ja levilaččaid. 3Levilaččat geat ledje golbmalogijahkásaččat dahje boarráseappot, lohkkojuvvojedje, ja sii ledje golbmalogigávcciduhát olbmá. 4Sis guokteloginjealljeduháha galge jođihit Hearrá tempela huksenbarggu, guhttaduháha leat hoavdan ja oaivámužžan, 5
23,5
15,16
2 Muit 7,6
29,26č
Neh 12,36
Am 6,5
23,5 maid David lei duddjohan Masorehtalaš teavsttas lea “maid mun duddjohin”.njealljeduháha fáktet uvssaid ja njealljeduháha máidnut Hearrá čuojanasaiguin, maid David lei duddjohan dan várás.

6David jugii sin golmma juhkosii Levi bártniid Geršona, Kehata ja Merari mielde. 7

23,7
2 Mos 6,17
Geršona sohkii gulle Ladan ja Šimi. 8Ladanis ledje golbma bártni, Jehiel gii lei oaivámuš, ja Setam ja Joel. 9Jehielis ledje golbma bártni, Šelomot, Hasiel ja Haran. Sii ledje Ladana bearrašiid oaivámuččat. 1023,10 Sisa Masorehtalaš teavsttas lea “Sina”, gč. v. 11.Šimis ledje njeallje bártni, Jahat, Sisa, Jeuš ja Beria. 11Jahat lei oaivámuš, ja Sisa lei nubbi. Danin go Jeušis ja Berias eai lean máŋga bártni, de sii lohkkojuvvojedje oktan bearašin, oktan juogusin.

12

23,12
2 Mos 6,18
Kehatis ledje njeallje bártni, Amram, Jishar, Hebron ja Ussiel. 13
23,13
2 Mos 6,20
5 Mos 10,8
Hebr 5,4
Amrama bártnit ledje Aron ja Moses. Aron ja su bártnit čuldojuvvojedje agálaš áigái vihahit allabasi, cahkkehit suovasoaffara Hearrá muođuid ovddas, bálvalit su ja buressivdnidit álbmoga su nammii. 14Mosesa, Ipmila olbmá, bártnit ledje Geršom ja Elieser; 15soai lohkkojuvvuiga Levi čerdii. 16Geršoma bárdni lei Šubael, oaivámuš. 17Eliesera bárdni lei Rehabja, oaivámuš. Elieseris eai lean eará bártnit, muhto Rehabjas ledje hui ollu bártnit. 18Jishara bárdni lei Šelomot, oaivámuš. 19Hebrona bártnit ledje Jeria, oaivámuš, nubbi Amarja, goalmmát Jahasiel ja njealját Jekamam. 20Ussiela bártnit ledje Mika, oaivámuš, ja nubbi Jiššia.

21Merari bártnit ledje Mahli ja Muši. Mahli bártnit ledje Elasar ja Kiš. 22Go Elasar jámii, de son ii guođđán maŋŋásis bártniid. Sus ledje dušše nieiddat geaid Kiša bártnit, sin vilbealet, válde áhkkán. 23Muši golbma bártni ledje Mahli, Eder ja Jeremot.

24Dát lei logahallan Levi nális, sin bearrašiin ja sohkaoaivámuččain, go sii geahčaduvvojedje ja lohkkojuvvojedje ovttaid ovttaid. Sin bargun lei doaimmahit bálvalusa Hearrá viesus dan rájes go ledje deavdán guoktelogi jagi. 25David dajai: “Hearrá, Israela Ipmil, lea addán álbmogasas mášu, ja son lea ássan Jerusalemii agálaš áigái. 26Dan dihte levilaččat eai dárbbaš šat guoddit goađi ja buot dárbašiid mat adnojuvvojit bálvalusas.” 27Davida maŋimuš daguide gulai lohkat levilaččaid, guoktelogijahkásaččaid ja das boarráseappuid. 28Sin bargun lei veahkehit Arona bártniid Hearrá viesu bálvalusas, gozihit ovdašiljuid ja oalgelanjaid, buhtistit buot bassi biergasiid, veahkehit tempelbálvalusas 29

23,29
3 Mos 2,4–7
6,14
24,5–9
ja atnit fuola oaffarláibbiin, sevlejuvvon jáffuin mat adnojuvvojedje borramušoaffaris, suvrutkeahtes gáhkuin, duolbaláibbiin, duhppojuvvon dáiggis ja vel buot geassomihtuin ja guhkkodatmihtuin. 30Iđidiid ja eahkediid sii galge leat giitimin ja máidnumin Hearrá, 3123,31 mánočalbmebeaivvi mánočalbmebeaivi.ja sii galge leat veahkeheamen go Hearrái oaffaruššojuvvojedje boaldinoaffarat sabbahiid, mánočalbmebeaivvi feasttaid ja eará basiid. Sis galge dalle leat čuožžumin Hearrá muođuid ovddas nu máŋggas go lei mearriduvvon. 32Ná sii galge doaimmahit bálvalusa almmustusgoađis ja tempelis ja veahkehit vieljaideaset, Arona bártniid, go sii doaimmahedje bálvalusa Hearrá tempelis.