Davvisámegiel Biibbal 2019 (Biibbal)
17

Ipmila lohpádus Davidii

171

17,1
2 Sam 7,1–17
Go David lei ássan šloahttasis, de son dajai profehta Natanii: “Mun ásan sederšloahtas, muhto Hearrá lihtuárka lea goađis.” 2Natan vástidii: “Daga fal buot maid áiggut. Ipmil lea duinna.”

3Seammá ija Natanii bođii dát Ipmila sátni: 4Mana ja daja bálvaleaddjásan Davidii ahte Hearrá lea sárdnon ná: Don it oaččo hukset viesu mu ássansadjin. 5

17,5
1 Gon 8,16
Mun in leat ássan viesus dan beaivvi rájes go bukten israellaččaid Egyptas gitta dán beaivvi rádjái, muhto lean vádjolan ja ássan goađis. 6Oppa dan áiggi go lean johtán israellaččaiguin, de mun in leat cealkán oktiige sin oaivámuččain, geaid lean gohččon geahččat iežan álbmoga: “Manin dii ehpet leat huksen munnje sederviesu?” 7
17,7
1 Sam 16,11–13
Almmut dál bálvaleaddjásan Davidii ahte Hearrá, Almmiveagaid Ipmil, lea sárdnon ná: Mun válden du láidomis sávzzaid maŋis álbmogan Israela ráđđejeaddjin. 8Mun lean leamaš duinna juohke sajis gos don leat johtán, ja lean duššadan du ovddas buot vašálaččaid. Mun dagan du nama seammá stuorisin go eatnama stuorráid namat. 9Mun attán álbmogasan Israelii eatnama gosa mun ruohtastuhtán dan ja gos dat beassá ássat muosis. Bahás olbmot eai goassege šat muosehuhte dan eaige soardde dan dego ovdal, 10nugo vel dalle go mun ásahin duopmáriid jođihit álbmogan Israela. Mun vuolidan buot du vašálaččaid. Dál mun, Hearrá, almmuhan dutnje ahte mun huksen dutnje viesu. 11Go du beivviid lohku lea dievvan ja leat mannan áhčiidat lusa, de mun divttán du bártni, muhtuma du iežat nális, šaddat ráđđejeaddjin, ja mun nannen su gonagasvuođa. 12
17,12
28,6č
Son hukse munnje viesu, ja mun nannen su truvnnu agálaš áigái. 13
17,13
1 Sam 15,26
Hebr 1,5
Mun lean su áhčči, ja son lea mu bárdni. Mun in gáidat sus iežan árbmugasvuođa, nugo mun gáidadin dan das gii lei du ovdal. 14
17,14
Luk 1,33
Mun bijan su ráđđet iežan viesu ja riikka agálaččat, ja su truvdnu bissu nanusin agálaš áigái.

Davida giittusrohkos

15Natan muitalii Davidii buot maid Hearrá lei sárdnon ja almmustahttán. 16

17,16
2 Sam 7,18–29
Dalle gonagas David manai rohkadallat Hearrá ja dajai: “Hearrá, mu Ipmil! Mii lean mun, ja mii lea mu sohka, go don leat buktán mu dán rádjái? 17Muhto velá dátge lea dutnje ilá uhccán, Ipmil, ja don leat addán mu sohkii lohpádusaid mat gusket gáiddus áigái. Don, Hearrá Ipmil, leat lokten mu alla árvui. 18Maid vel mun sáhtášin átnut dus dan gudni lassin maid don leat juo addán munnje? Donhan dovddat mu, bálvaleaddját. 19Hearrá, bálvaleaddját dihte ja dan mielde maid leat atnán buorrin, don leat dahkan buot dáid stuorra daguid ja almmuhan daid munnje. 20Hearrá, ii oktage leat du láhkásaš, ii leat Ipmil earret du, dan duođašta buot maid mii leat gullan. 21
17,21
5 Mos 4,7
Ii oktage álbmot eatnama alde leat dego du álbmot Israel, álbmot maid Ipmil ieš lea lonistan iežas álbmogin. Du stuorra ja imašlaš dagut leat dahkan du nama beakkálmassan buot báikkiin. Egyptas don lonistit alccesat álbmoga, ja don ádjet dan ovddas eret eará álbmogiid. 22Don leat dahkan álbmogat Israela iežat álbmogin agálaš áigái, ja don, Hearrá, leat šaddan sin Ipmilin.

23Hearrá, divtte dan sáni maid leat sárdnon mu ja mu soga birra bissut nanusin agálaččat, ja daga nugo leat lohpidan! 24Duođaid, divtte iežat sáni bissut nanusin; dalle du namma gudnejahttojuvvo agálaččat, ja olbmot dadjet: ‘Hearrá, Almmiveagaid Ipmil, lea Israela Ipmil.’ Ja Davida, du bálvaleaddji, sohka bissu nanusin du muođuid ovddas. 25Mu Ipmil, don leat ieš lohpidan hukset munnje viesu. Dan dihte du bálvaleaddji lea arvan rohkadallat du. 26Don, Hearrá, leat Ipmil, ja dál don leat addán bálvaleaddjásat dán stuorra lohpádusa. 27

17,27
2 Sam 7,29
Sál 41,13
Vare don buressivdnidivččet mu soga, vai dat bissu álo du muođuid ovddas! Maid don, Hearrá, buressivdnidat, lea buressivdniduvvon agálaš áigái.”

18

Davida soađit

181

18,1
2 Sam 8,1–15
Das maŋŋil David časkkii ja vuolidii filistalaččaid ja válddii sis Gata ja dan birasbáikkiid. 2Son časkkii maiddái moablaččaid. Sii šadde su šlávvan ja gárte máksit sutnje vearu. 318,3 Soba >1 Sam 14,47. Hamat >2 Sam 8,9.Dasto David vulggii viiddidit válddis gitta Eufrata rádjái, ja dalle son vuittii Hadadesera, Soba gonagasa, Hamata luhtte. 4David válddii sus duháhiid vovnnaid, čiežaduhát vovdnasoahteolbmá ja guoktelogiduhát vázzi soahteolbmá. Heasttaid son guđii čuođi, muhto buot vovdnaheasttaid čeavžesuonaid son čuohpai. 5Go Damaskusa aramealaččat bohte veahkehit Hadadesera, Soba gonagasa, de David časkkii sin ja gottii guoktelogiguokteduhát olbmá. 6David bijai fálddiid Damaskusa aramealaččaid eatnamii. Sii šadde su vuložin ja gárte máksit sutnje vearu. Hearrá veahkehii Davida juohke sajis, gosa son ain manai. 7David válddii Hadadesera olbmáid gollenjuollaskuohpuid ja buvttii daid Jerusalemii. 8
18,8
1 Gon 7,152345
Tibhatis ja Kunis, Hadadesera gávpogiin, son válddii ollu veaikki. Das Salomo duddjui bronsameara, bronsabácciid ja bronsalihtiid.

9Go Tou, Hamata gonagas, gulai ahte David lei časkán Soba gonagasa Hadadesera oppa soahteveaga, 10de son vuolggahii bártnis Hadorama dearvvahit gonagas Davida ja sávvat sutnje lihku, danne go son lei vuoitán Hadadesera; Hadadeser lei oainnat leamaš Tou vuostálasti. Hadoram buvttii buotlágán golle-, silba- ja veaikelihtiid, 11ja David basuhii daid Hearrái oktanaga dainna silbbain ja golliin maid son lei váldán eará álbmogiin, edomlaččain, moablaččain, ammonlaččain, filistalaččain ja amaleklaččain. 1218,12 Sálteleagis >2 Sam 8,13.Abišai, Seruja bárdni, časkkii Sálteleagis gávccinuppelotduhát edomlačča. 13David bijai Edomii soahteveagaid, ja buot edomlaččat šadde su šlávvan. Nie Hearrá veahkehii Davida juohke sajis gosa son ain manai.

14David ráđđii dál oppa Israela, ja son doaimmahii álbmogasas vuoigatvuođa ja rievtti. 15

18,15
2 Sam 8,16–18
Joab, Seruja bárdni, lei soahteveagaoaivámužžan, ja Jošafat, Ahiluda bárdni, lei riikkačállin. 16Sadok, Ahituba bárdni, ja Ahimelek, Ebjatara bárdni, leigga báhppan, ja Šavša lei gonagasa čállin. 1718,17 keretlaččaid ja peletlaččaid gonagasa heaggafávttat.Benaja, Jojada bárdni, lei keretlaččaid ja peletlaččaid oaivámužžan, ja Davida bártnit ledje gonagasa ráđđeaddin.

19

David časká ammonlaččaid ja aramealaččaid

191

19,1
2 Sam 10,1–5
Go ammonlaččaid gonagas Nahaš jámii, de gonagassan šattai su bárdni. 2David dajai: “Mun dáhtun leat Hanunii seammá ustitlaš go su áhčči Nahaš lei munnje.” Son vuolggahii áirasiid jeđđet Hanuna su áhči jápmima geažil. Muhto go Davida olbmát bohte ammonlaččaid eatnamii Hanuna lusa jeđđet su, 3de ammonlaččaid oaivámuččat dadje Hanunii: “Gáttátgo don ahte David lea vuolggahan deike áirasiid dušše jeđđet du? Son lea vissásit vuolggahan sin diđoštit ja iskkadit du eatnama, vai beassá fallehit dan.” 4Dalle Hanun dohppii Davida áirasiid, ráhkehii sis vuovttaid ja skávžžáid ja čuohpahii sin biktasiid gaskat bađa ráje. De son luittii sin mannat. 5Go Davidii muitaluvvui mo áirasat ledje heahppášuhttojuvvon, de son vuolggahii olbmuid sin ovddal ja cealkkihii: “Orrot Jerikos dassá go din skávžžát leat fas guhkkon, ja máhccet easkka dalle.”

6

19,6
2 Sam 10,6–19
19,6 duhát taleantta sullii 34 200 kilo.Ammonlaččat ipmirdedje dál ahte sii ledje suhttadan Davida. Hanun ja ammonlaččat vuolggahedje duhát taleantta silbba, vai besset bálkáhit alcceseaset Naharajima ja Maaka aramealaččain ja sobalaččain soahtevovnnaid ja vovdnasoahteolbmáid. 719,7 Medeba gávpot Moaba alážis; gč. Jos 13,9.Sii láigohedje golbmalogiguokteduhát soahtevovnna ja vel Maaka gonagasa ja su soahteveaga. Dat johttájedje ja dahke soahtesiidda Medeba olggobeallái, ja maiddái ammonlaččat čoagganedje gávpogiinniset soahtat. 8Go David gulai dan, de son vuolggahii sin vuostá Joaba ja oppa soahteveagas, buot soahteolbmáid. 9Ammonlaččat bohte gávpogisttiset ja divvo iežaset soahtan láhkái gávpotpoartta ovdii, muhto gonagasat geat ledje boahtán veahkkin, ledje sierra joavkun dobbelaččas. 10Go Joab oinnii ahte vašálaččat áite su sihke ovddabeale ja maŋábeale, de son válljii Israela buoremus soahteolbmáid ja divui sin aramealaččaid vuostá. 11Eará soahteveaga son attii vielljasis Abišajii, ja sii divvo iežaset ammonlaččaid vuostá. 12Joab dajai: “Jos aramealaččat šaddet munnje menddo gievran, de boađe veahkehit mu, ja jos ammonlaččat šaddet dutnje menddo gievran, de mungis boađán veahkehit du. 13
19,13
1 Sam 3,18
Apd 21,14
Leage roahkkat! Soahttu duostilit iežame álbmoga ja Ipmileame gávpogiid beales, ja dahkos de Hearrá nugo lea buorre su čalmmiin.”

14De Joab olbmáidisguin fallehii aramealaččaid, ja sii báhtaredje sus. 15Go ammonlaččat oidne ahte aramealaččat báhtaredje, de siige báhtaredje Joaba vieljas Abišajis ja geassádedje gávpogasas. Joab máhcai Jerusalemii.

16Go aramealaččat oidne ahte sii ledje vuoittáhallan israellaččaide, de sii bidje sáni daidda aramealaččaide geat ásse don bealde Eufrata, ja bivde sin boahtit veahkkin. Sin njunnošis lei Šofak, Hadadesera soahteveagaoaivámuš. 17Go dat muitaluvvui Davidii, de son čohkkii buot Israela soahteolbmáid ja rasttildii Jordana, ja de son manai aramealaččaid vuostá ja divui soahteveagas soahtan láhkái. Aramealaččat maid divvo iežaset soahtan láhkái ja sohte Davidiin. 18Muhto sii šadde báhtarit israellaččain, ja David duššadii aramealaččain čiežaduhát soahtevovnna oktan vovdnasoahteolbmáiguin ja vel njealljelogiduhát vázzi soahteolbmá. Maiddái sin soahteveagaoaivámučča Šofaka son gottii. 19Go Hadadesera olbmát oidne ahte sii ledje vuoittáhallan israellaččaide, de sii dahke ráfi Davidiin ja vuollánedje sutnje. Das maŋŋil aramealaččat eai dáhtton šat veahkehit ammonlaččaid.