Davvisámegiel Biibbal 2019 (Biibbal)
9

Jerusalema ássit

91

9,1
2 Gon 24,15č
25,11
Ná buot israellaččat leat logahallojuvvon sogaid mielde, ja namat leat čállojuvvon Israela gonagasaid girjái. Juda ássit dolvojuvvojedje Babylonii oskkáldasmeahttunvuođaset dihte. 2Vuosttamuččat geat máhcce gávpogiiddáseaset ja opmodagaidasaset, ledje báhpat, levilaččat, tempelbálvaleaddjit ja eará israellaččat. 3
9,3
Neh 11,3–19
Jerusalemii ásse Juda, Benjamina, Efraima ja Manasse čearddaid olbmot.

4Juda čeardda olmmoš lei Utai, Ammihuda bárdni; su áddjá lei Omri, su áhčči Imri ja su áhčči Bani, gii lei Juda bártni Peresa nális. 5Seamma čerdii gulai šelalaš Asaja, áhčis vuosttašriegádeaddji, su bártnit 6ja serahlaš Jeuel. Juda čeardda olbmot ledje guhttačuođiovccilogi.

7Benjamina čeardda olbmot ledje Sallu gean áhčči lei Mešullam, Hassenua bártni Hodavja bárdni, 8Jibneja, Jerohama bárdni, Ela, Mikri bártni Ussi bárdni, ja Mešullam gean áhčči lei Šefatja, Jibnia bártni Reuela bárdni; 9dán čeardda olbmot ledje sohkalogahallamiid mielde ovccičuođi vihttalogiguhtta. Sii buohkat ledje bearrašiiddiset oaivámuččat.

10Báhpat: Jedaja, Jojarib, Jakin 11ja Asarja, Hilkia bárdni, Ipmila tempela hoavda; su áddjá lei Mešullam, su áhčči lei Sadok, su Merajot ja su Ahitub. 12Báhpaide gulle maid Adaja, Jerohama bárdni, gean áddjá lei Pašhur, Malkia bárdni, ja vel Masai, Adiela bárdni; su áddjá lei Jahsera, su áhčči Mešullam, su Mešillemot ja su Immer. 13Sii ledje oktiibuot duhátčiežačuođiguhttalogi, bearrašiiddiset oaivámuččat, buohkat dohkálaččat bálvalit Ipmila tempelis.

14Levilaččat: Šemaja, Haššuba bárdni. Su áddjá lei Asrikam, Hašabja bárdni Merari sogas; 15Bakbakkar, Hereš, Galal ja Mattanja, Mika bárdni, Asafa bártni Sikri áddjut; 16Obadja, Šemaja bárdni, Jedutuna bártni Galala áddjut, ja vel Berekja, Asa bárdni, Elkana áddjut, su gii ásai netofalaččaid giliin.

17Uksafávttat ledje Šallum, Akkub, Talmon ja Ahiman. Šallum lei sin oaivámuš, 189,18 Sii Šalluma nálli.ja sin fáktensadji lei dego ovdalge nuortta bealde, Gonagasa poartta guoras. Sii ledje fákten levilaččaid siidda.

19Šallum, Kore bárdni, Koraha bártni Ebjasafa áddjut, ja dat geat gulle su sohkii, korahlaččaide, bálvaledje goađi šielbmáfáktan. Sin áhčit ledje dolin fákten Hearrá siidda uvssa, 20

9,20
4 Mos 25,7–13
ja Pinehas, Elasara bárdni, lei dalle sin oaivámuš, ja Hearrá lei suinna.

21Sakarja, Mešelemja bárdni, lei almmustusgoađi uksafákta. 22

9,22
1 Sam 9,9eč
Dát geat ledje válljejuvvon fáktet šielmmáid, ledje guoktečuođiguoktenuppelohkái, ja sii ledje čállojuvvon sohkalogahallamiidda iežaset giliin. David ja oaidni Samuel leigga bidjan sin bálvalit bistevaččat. 23Sii ja sin bártnit fáktejedje vurrolagaid Hearrá viesu, goahteviesu, poarttaid. 24Uksafávttat fáktejedje njealji almmiguovllu – nuortti, oarjji, davi ja luli – beale poarttaid, 25ja sin soga olbmát galge boahtit giliineaset veahkehit sin vurrolagaid ain čieža beaivái. 269,26 Uksafávttaid njeallje oaivámučča Gč. v. 17.Uksafávttaid njeallje oaivámučča geat ledje levilaččat, bálvaledje bistevaččat. Sii atne fuola Ipmila viesu gámmáriin ja vuorkkáin. 27Sii idjadedje Ipmila tempela lahka, danin go sii galge fáktet dan ja rahpat poarttaid juohke iđida.

28Muhtumat sis atne fuola lihtiin mat adnojuvvojedje ipmilbálvalusas, ja sii galge lohkat daid álo go sii bukte daid ja go dolvo daid eret. 29Earátgis galge atnit fuola dábálaš lihtiin ja bassibáikki eará lihtiin ja geahččat bearrái nisojáffuid, viinni, oljju, suovvasiid ja hádjaávdnasiid. 30

9,30
2 Mos 30,25
Muhtun báhpaid bargun lei ráhkadit njálggahájat vuoidasiid. 31Levilaš Mattitjai, korahlaš Šalluma vuosttašriegádeaddjái, lei oskkilduvvon láibbi ráhkadeapmi, 32
9,32
3 Mos 24,5–9
ja muhtun levilaš Kehata soga olbmát galge geahččat bearrái oaffarláibbiid ja buktit daid ovdan juohke sabbaha. 33
9,33
9,14–16
Tempellávlut ledje levilaš bearrašiid oaivámuččat, ja sii ásse tempela gámmáriin, danin go sii bálvaledje beivviid ja ijaid.

34

9,34
9,14–32
Dát ledje levilaš bearrašiid oaivámuččat, buot oaivámuččat logahallojuvvon sohkalogahallamiid mielde. Sii ásse Jerusalemis.

Saula sohka

35

9,35
8,29–33
10,2
Gibeona vuođđudeaddji Jeiel ásai Gibeonis. Su áhká namma lei Maaka, 36ja su bártnit ledje Abdon, vuosttašriegádeaddji, Sur, Kiš, Baal, Ner, Nadab, 37Gedor, Ahjo, Sakarja ja Miklot. 38Miklot sahkanahtii Šimama. Sii ásse Jerusalemis ovttas vieljaideasetguin.

39Ner sahkanahtii Kiša, Kiš sahkanahtii Saula ja Saul sahkanahtii Jonatana, Malkišua, Abinadaba ja Ešbaala. 40Jonatana bárdni lei Merib-Baal, ja Merib-Baal sahkanahtii Mika. 41Mika bártnit ledje Piton, Melek, Tahrea ja Ahas.

42Ahas sahkanahtii Jara, ja Jara sahkanahtii Alemeta, Asmaveta ja Simri. Simri sahkanahtii Mosa, 43ja Mosa sahkanahtii Bina gean bárdni lei Refaja. Refaja bárdni lei Elasa ja Elasa bárdni lei Asel. 44Aselis ledje guhtta bártni: Asrikam, vuosttašriegádeaddji, Ismael, Šearja, Asarja, Obadja ja Hanan. Dát ledje Asela bártnit.

10

Saul jápmá

101

10,1
1 Sam 31,1–13
Filistalaččat soahttájedje israellaččaiguin. Israellaččat báhtaredje sis, ja ollugat gahčče Gilboavárrái. 2Filistalaččat jukse Saula ja su bártniid ja godde Jonatana, Abinadaba ja Malkišua, Saula bártniid. 3Soahti Saula birra šattai garasin. Dávgebáhččit áice su, ja son hávváduvai. 4Dalle Saul dajai vearjoguoddásis: “Rohtte miehki ja rehtte mu! Muđui duot birračuohpakeahtes olbmát bohtet ja meannudit muinna bahás.” Muhto go vearjoguoddi ii duostan dahkat dan, de Saul ieš rohttii miehki ja bálkestahtii dasa. 5Go vearjoguoddi oinnii ahte Saul lei jápmán, de songe bálkestahtii miehkkásis ja jámii. 6Nu sii buohkat jápme, Saul ja su golbma bártni, ja nu nogai Saula soga gonagasvuohta.

7Go Jisreela jalgadasa israellaččat gulle ahte soahteveahka lei báhtaran ja ahte Saul ja su bártnit ledje gahččan, de sii guđđe gávpogiiddiset ja báhtaredje. Filistalaččat ásse gávpogiidda sin sadjái.

8Go filistalaččat maŋit beaivvi bohte rievidit gottáhallan olbmuid, de sii gávdne Saula ja su bártniid njaŋgámin Gilboaváris. 9Sii rievidedje Saula gárvvuid ja válde su oaivvi ja vearjjuid. De sii gulahedje vuoitosága eahpeipmiliiddáseaset ja álbmogasaset. 10Filistalaččat bidje Saula vearjjuid muhtun ipmileaset vissui, ja su oaivvi sii heŋgejedje Dagona tempelii.

11Go Jabeša olbmot Gileadis gulle maid filistalaččat ledje dahkan Saulii, 12de buot gávpoga soahteolbmát johttájedje ja vižže Saula ja su bártniid rupmašiid Jabešii. Sii hávdádedje sin dávttiid Jabeša terebintta vuollái ja fástudedje čieža beaivvi.

13

10,13
1 Sam 15,11eč
28,7–14
10,13 jearran Hebreagillii lea sátnestoahkan namain “Saul” ja vearbbain “jearrat”.Nu jámii Saul, danne go son lei leamaš oskkáldasmeahttun Hearrái iige lean jeagadan Hearrá gohččuma. Son lei maid jearran neavvaga jábmiid vuoiŋŋain 14iige Hearrás. Dan dihte Hearrá divttii su jápmit ja sirddii gonagasvuođa Davidii, Isaja bárdnái.

11

Gonagas David váldá Jerusalema

111

11,1
2 Sam 5,1–3
Buot israellaččat čoahkkanedje Davida lusa Hebronii ja dadje: “Mii leat du oažži ja varra. 2
11,2
1 Sam 13,14
Juo ovdal, dalle go Saul ain lei gonagas, de don jođihit Israela dan soahtemohkiin. Hearrá, du Ipmil, lea cealkán dutnje: ‘Don geahčat mu álbmoga Israela, don šattat mu álbmoga Israela ráđđejeaddjin.’” 3
11,3
1 Sam 16,13
Maiddái buot Israela vuorrasat bohte gonagasa lusa Hebronii. Doppe David dagai singuin lihtu Hearrá muođuid ovddas, ja sii vuide Davida Israela gonagassan, nugo Hearrá lei gohččon Samuela sárdnut.

4

11,4
2 Sam 5,6–10
David ja israellaččat vulge Jerusalemii dahjege Jebusii gos jebuslaččat dalle ásse. 5Jebusa olbmot dadje Davidii: “Deike don it boađe!” Muhto David válddii Siona ladni mii dasto šattai Davida gávpogin. 6David lei dadjan: “Dat gii vuosttažin goddá jebuslačča, šaddá bajimus oaivámužžan.” Ladnái beasai ovddemus Joab, Seruja bárdni, ja son šattai soahteveagaoaivámužžan.

7David ásai ladnái, ja dan dihte dat gohčoduvvui Davida gávpogin. 811,8 Millo >2 Sam 5,9.Son nannii gávpoga muvrrain Millos ovddos, ja Joab huksii ođđasis gávpoga eará osiid. 9David šattai fámoleabbon ahte fámoleabbon, ja Hearrá, Almmiveagaid Ipmil, lei suinna.

Davida soahteolbmát

10

11,10
2 Sam 23,8–39
Dát ledje Davida válljosoahteolbmát geat oppa Israeliin dorjo nannosit su gonagasvuođa ja dahke su Israela gonagassan dan Hearrá sáni mielde maid son lei sárdnon Israela birra. 11Dát lea Davida soahtesáŋgáriid logahallan:

Hakmonlaš Jišbaal lei vuosttaš golmma stuorimus soahteolbmás. Son bajidii sáittis golmmačuođi vašálačča badjel geat gottáhalle ovttat gearddis. 12Dasto lei ahoahlaš Elasar, Dodo bárdni, gii maid lei okta dan golmma stuorimus soahteolbmás. 1311,13 Pas Dammim jáhkkimis Efes Dammim mii lea Jerusalema lulleoarjjabealde. Gč. 1 Sam 17,1.Son lei Davida mielde Pas Dammimis, gosa filistalaččat ledje čoagganan soahtanmohkis. Doppe lei bealdu mas šattai valjis bivgi. Go israellaččat báhtaredje filistalaččain, 14de Elasar čuoččastii guovdu bealddu, bealuštii dan ja časkkii filistalaččaid. Nu Hearrá attii stuorra vuoittu.

1511,15 Adullam >1 Sam 22,1. Refaimleagis >2 Sam 5,18.Oktii golmmas dan golmmalogi oaivámuččas vulge Davida lusa Adullama bákteráigái. Filistalaččaid soahteveagas lei dalle siida Refaimleagis. 1611,16 várreladnis >1 Sam 22,4.David lei dalle várreladnis, ja filistalaččaid njunušveahka lei Betlehemis. 17David goikkai sakka ja dajai: “Vare muhtun vieččašii munnje čázi dan arvegáivvos mii lea Betlehema gávpotpoartta guoras!” 18Dalle duot golmmas bahkkejedje filistalaččaid soahtesiidii, goivo čázi Betlehema gávpotpoartta gáivvos ja bukte Davidii. David ii goit dáhtton juhkat, muhto golggahii dan juhkamušoaffarin Hearrái. 19Son dajai: “Ipmil várjalehkos mu juhkamis dán! Jugašingo mun daid olbmáid vara geat vižže dan heakkaset váttuin?” Iige son dáhtton juhkat dan. Dakkár daguid dahke duot golbma soahteolbmá.

2011,20 golbmalohkása Masorehtalaš teavsttas lea “golbmasa”. Jorgalus čuovvu 2 Sam 23,18 buoremus giehtačállosiid.Abišai, Joaba viellja, lei dan golbmalohkása oaivámuš. Son bajidii sáittis golmmačuođi gottáhallan olbmá badjel, muhto ii lohkkojuvvon dan golmma stuorimus soahteolbmá searvái. 21Dan golbmalohkása gaskkas son lei beakkálmas. Son lei sin oaivámuš, muhto ii lean dan golmma stuorimus soahteolbmá veardásaš. 22Kabseellaš Benaja, Jojada bárdni, lei jálus olmmái ja dagai stuorra daguid. Son časkkii jámas moablaš Ariela guokte bártni. Muhtun borgabeaivvi son njiejai arvegáivui ja gottii doppe ledjona. 23

11,23
1 Sam 17
11,23 viđa állana sullii 2,5 mehtera.Son časkkii jámas maiddái stuorra egyptalaš olbmá, viđa állana guhkkosačča. Egyptalaččas lei gieđas sáiti mii lei gassat nugo gođabumme. Muhto Benaja fallehii egyptalačča soabbi gieđas, gaikkihii sus sáitti ja gottii su dainna. 2411,24 dan golmmalogi Masorehtalaš teavsttas lea “dan golmma”, gč. v. 20.Dakkár daguid dagai Benaja, Jojada bárdni, ja son adnojuvvui árvvus dan golmmalogi soahteolbmá gaskkas. 25Son lei beakkálmasamus dan golbmalohkásis, muhto ii lean dan golbmasa veardásaš. David bijai su heaggafávttaidis oaivámužžan.

26Eará jálus soahteolbmát ledje Asael, Joaba viellja, Elhanan, betlehemlaš Dodo bárdni, 27harodlaš Šammot, peletlaš Heles, 28tekoalaš Ira, Ikkeša bárdni, anatotlaš Abieser, 29hušailaš Sibbekai, ahoahlaš Ilai, 30netofalaš Mahrai, netofalaš Heled, Baana bárdni, 31Itai, Ribaja bárdni, benjaminlaččaid Gibea olmmoš, piratonlaš Benaja, 32Hurai, Nahale Gaaša olmmoš, arabalaš Abiel, 33bahurimlaš Asmavet, šaalbonlaš Eljahba, 34gisonlaš Hašem, hararlaš Jonatan, Šage bárdni, 35hararlaš Ahiam, Sakara bárdni, Elifal, Ura bárdni, 36mekeralaš Hefer, gilolaš Ahia, 37karmellaš Hesro, Naarai, Esbaja bárdni, 38Joel, Natana viellja, Mibhar, Hagri bárdni, 39ammonlaš Selek, beerotlaš Nahrai gii lei Joaba, Seruja bártni, vearjoguoddi, 40jeterlaš Ira, jeterlaš Gareb, 41

11,41
2 Sam 11,3
hetlaš Uria, Sabad, Ahlaja bárdni, 42rubenlaš Adina, Šisa bárdni, Rubena soga oaivámuš gii jođihii golbmalogi olbmá, 43Hanan, Maaka bárdni, metenlaš Jošafat, 44aštarotlaš Ussia, aroerlaš Hotama bártnit Šama ja Jeiel, 45Jediael, Šimri bárdni, ja su viellja, tislaš Joha, 46mahanajimlaš Eliel, Elnaama bártnit Jeribai ja Jošavja, moablaš Jitma 47ja vel Eliel, Obed ja sobalaš Jaasiel.